سْيِدْتِيِ : صَبْآحِيِ جَمًَيِّلَ وْ أْنًَتَِ أْجَِمَْلَّ

السلام عليكم ورحمة الله وبركآته
سيدتي
مسائكِ ...}
............. برآئحة قهوة البندق مع الحليب ,,
وصباحكِ ...}
.............. برآئحة زهر الإقحوان ,,

كيف الصبايا
كيفكم ياجميلات وإن شاء الله اوقاتكم حلوة
بجحم السماء أحمل معي كلمات الشكر والإمتنان لكل تشجيع
لكل كلمة لكل حرف من أعماق قلبي أقول لكم
لا حرمكم الله فردوسه الأعلى ومتعكم في دنياكم وآخراكم

وكل حرف سيكتب وكل تغير حدث لغيري (سأكون متفائلة )
جعله الله في موازين حسناتكم

يرحم أهلك وكل من يعزوك
إفتحها بوجهي شوي
خلنا نشوف شلون تضيق هالعيون الوساع

وإن شاء الله يحوز على إعجابكم

دقايق

نتمنى السعادة دايم ,’ ونحب الفلة والوناسه ,’
أوقات الهياص والفله نتذكرها وكل مانذكرها نضحك على كمية الهبال اللي سويناها
لكن مهي دايم ,, عشان كذا نذكرها
ومو دايم تتحقق لنا راحة البال !
ليش طيب
انا أقولك
راح أقول كلمة وفي كل مرة راح أقولها
أنتي خليك معاي ولا تفكرين باللي حولك
أبغآك أنتي ,,
ياللي تقولين إيه ولأ

نبدأ بسم الله وعلى بركة الله

صلوا ع الحبيب / وأذكروا الله
خذي نفس قوي وطلعيه أقوى وكأن عندك هم وش كبرة وأنزاح
إنبطحي زين وإلا أجلسي زين / بعدي عن الاب والا الكمبيوتر شوي عشان عيونكم
وإلا مطفيه النور تروح تفتحه سلامة عيونك أهم من القرآءة

* حبيبي
وين راحة البال لو ماالحبيب معانا ؟
ياقلبي أنتي تعرفين لو جلستي مع نفسك أقل من دقيقة وصفيتي نفسك من كل شي
إيش راحة البال اللي بتحسيها
من قلب قولي ياربي صفيت نفسي من كل شر
لا غيبة ولا نميمه ولا غش ولا شي يغضبك
والله راحة بال مابعدها رآحة
يكفي من ربي كلمة " أنا عند ظن عبدي بي "
وربي كل الحياة تتحسن لو حسنا علاقتنا مع ربنا
عن تجربة مو إني ملتزمة بكون مرتاحة ولا شي كلن يخطأ فترة كنت امر فيها بنفسية زفت
لكن سويت هالشي + الدعاء في كل سجدة
ياربي أسألك رضاك عني وتوفيقك بالدنيا والاخره وان لا تجعل بقلبي غيرك وان تعينني على ذكرك وشكرك وحسن عبادتك
وربي وربي وربي أن هالسنة كل شي موفقة فيه الحمد لله
لا دراستي اللي كنت أكرهها ولا أهلي اللي كنت أضيع وقتي نوم ونت
صحباتي كل شي والله أرجع أحط راسي وانا مبسوطة
أعرف أن ربي بيأخر الإجابه لكن لو كانت من قلب صادق وظن بأن الله راح يحققها
وادعي وأنتي واثقة ان الاجابة قريب ماراح تتأخر بإذنه

** شلون طيب ؟!
أنا أقولك ..
بكل سجدة ادعي لنفسك
يارب وفقني وأرضى عني فإذا رضيت عن عبدك راح تحقق له كل شي وتيسرة له
4-8-8-6-8 = 34 سجدة في اليوم

كل شي تسوينة انوي النية ..
جالسة تساعدين وحدة في مشكلة / امك طلبت منك شي / أختك تبغى مساعدة /أبوك ناداك تشيلين شي
أي شي يصير حولك أنوية
إبتسمي انويها صدقة على كل اهلك كم عددهم 4 -6- في اليوم تصدقتي6 مرات
ساعدتي امك "بر + صدقه + عمل خير "
كل شي انوية أعمال بسيطة لكن قدرها كبير في ميزان حسناتك .

أختلي مع الله
قبل تنامين وانتي على سريرك فضفضي لربك أنك مقصرة وهو راح يسامحك كله قوليه له ناجية اطلبيه
هي يبغى منك الطلب في المقابل لا تقصرين في حقة
مو معقول أطلب أطلب ولا أسوي

** مختصر اللي فوق :
أحافظ ع الصلاة في وقتها " علقي ورقة ع السرير او اللاب "أحب الأعمال الى الله الصلاة في وقتها "
كافي انها الوقت اللي تلاقين فيه الله + أفضل عمل يحبة
وإذا هالشي سويتيه أسبوع واحد بس راح تصير عادة عندك الصلاة في وقتها ..
ومثل ماقلنا الدعاء الدعاء الدعاء

كن أنت البادئ بالتحية و إظهار الحب
كل صباح وإنتي أجمل من قبل
أول ماتقومي الصبح إعتبريه حياه جديده ولا تتذكري أي شي
في البيت في الجامعه في المدرسه في العمل
أبدئي بالتحيه والإبتسامة
مهما كان مركزك او ثقلك أو رزانتك خلي إبتسامة خفيفة على وجهك
كافي إنها صدقة ..
كل ماتمري من مكان سلمي مو لازم تطلي فيهم
عديتي من باب القاعه وفي بنات جالسين قولي السلام عليكم ولا تطلي فيهم ولا تنتظري شي
في الدوام في المدرسه أدخلي وسلمي "خيركم من يبدأ بالسلام "
ياربي يجعل كل صباحاتك أحلى وأجمل
في الصباح شتسوين

وإنتي في السيارة أو وإنتي تجهزي
أقري أذكارك إن كنتي مو حافظتها شغليها صوتي وهذا رابط إختباري الشيخ اللي تحبيه وخلي لابك شغال وإنتي تتجهزي خلصتيها

كود الـ PHP:
http://www.tvquran.com/athkar.htm

دقايق

صبحي على والدينك واخوانك واخواتك بكلمة حلوة
وقبل لا يروحون الداوم قولي كلمة تشجيعيه لهم وإلا أي شي
أذكر الصبح ماكان عندي دوام ودايخ راسي بنام فتحت الجوال وأرسلت رسالة
شوي جاني رد من اخوي اللي يشتغل برا المدينة ويطلع من الفجر للقريه
" وإياك يارب كويس إن الرسالة جاتني قبل لا أبدى أسوي شي مره تحمست شكرا لك "
تدرون وش شعوري كون إنه أول مرة أسويها وأول مرة ألقى رد
شي بسيط بس يفرح ناس كثير ويدخل على قلبك سرور وعلى غيرك
* كمان إدخال سرور على مسلم
أشوف البركة في الصبح
وأحلى شي لو تفكري فيه أن يومك يبدى بصلاة وأذكار وتصبيحة ع الاهل
وش حلاته هالصبح وه يازينه

أن تكون هنا
تتنفس
تنظر
تشعر بنبضات قلبك
تعيش في هذه الدنيا
وتتمنى أن تكون في السماء
فتفقد الأمل بأن تكون أفضل
أنظر الى السماء
كبيرة جميلة واسعة
كل يوم تودع وتستقبل
ترا القمر .. فتدفعه الشمس
ولا تعلم هل الغد سيكون كما الامس
تشاهد هذه اللعبه
ام سيختلط القمر والشمس
فتكتأب السماء !
كن ككل شي على الارض
الورد , السماء , الصباح ,
تودع اليوم وتجعل الغد أجمل

من بكرة أجمل وأحلى صباح يمر عليك يارب

** أينما أذهب فأنا هناك
لسه حنا بالصبح
في السيارة غالبا المشوار للجامعه والا الداوم شوي ياخذ وقت
خلي معاك مصحف في الشنطة وإنتي بالطريق أقري صفحة وإلا صفحتين
وصلتي أدخلي الجامعه برجلك اليمين وسمي
أنا جاتني هالفكرة توه وبإذن الله من السبت بسويها
النبي صلى الله عليه وسلم يتيمن ويحب التيمن
دخلتي القاعه وتاخرت الدكتورة شوي طلعيه أقري صفحة والا كم آيه لين تجي
بكل صراحة الفكرة قريتها لرجل يقول " أصبحت أحب أوقات الفراغ " كل ما صار فاضي يطلع المصحف ويقرا شوي
خليه دايم في شنطتك ولو تخليه ع طول مايطلع أحسن عشان تتذكرينه

أينما أذهب فأنا هناك
.. خلي لك بصمة مو لازم تكونين ملتزمة وإلا شيخه والا داعيه عشان تحطين بصمة فصديقاتك
كل يوم في إجتماعكم جيبي شي تستفيدون منه
أخطاء في الصلاة .. حكم الصلاة بلبس فيه صورة .. سنة عن النبي .. فضل صلاة الضحى ..
أو ممكن أنتي تقترحين على صديقاتك وحدة تسوي لكم كل يوم أو كل يوم على وحدة ..
قد إيش الاجر اللي يبختك فيه ..
كل شي تصلح من بعد هالجلسه لك اجره + جلستكم كل يوم أجر تحفكم الملائكة وتغشاكم الرحمة

** أخبر كل يوم شخصا واحدا على الاقل عن شي تحبه أو يعجبك أو تقدره في شخصه
صرحي للحب للي حولك وإلا نقطة تعجبك بوحدة ليه لأ
إنتي ماتحبي أحد يمدحك او يقولك إنتي يعجبني فيك ذوقك وحشمتك يعجبني فيك حرصك على كذا وكذا تعجبني كتابتك ستايلك ووو
أنا صراحة مبسوطة إن ربي خلاني اعرفك ..
عبري ليه لأ ,,
أمك قولي لها أختك صحبتك عمتك أخوك أبوك وووو
كثير الأشخاص حولنا يعجبونا فيهم خصل او نقدر فيهم أشياء ..
خليهم يستمروا بهالشي اللي يسوونة ..
كل يوم حددي من هالشخص اللي بتوجهين له الكلمة تلقين إنك بتحتارين وش بتقولين له .,

** مارس التواضع
تواضعي عن أشياء كثيرة
مو لازم تردين على فلانه لانها نقدتك والا سبتك والا سوت الحركة الفلانيه
نقدها تقبليه حتى لو ماكان فيك تواضعي عنها
اللي سبتك قبل لا تكونين جاهزة للهجوم تواضعي عنها
مو عشان إنتي مو قادرة على هالشي بالعكس عشان راحة بالك
نقدر نقول طنشي
غالبا مايكونون الاشخاص اللي نهاجمهم والا نقادين والا نقاقين هم فجوة بحياتنا
تحب تنغص ع الناس وتحب الهوش والمشاكل ليه صداع الراس معاهم
بالعكس لو تطنشين هي بتزيد قهر وبعدها تحاول تبتعد عنك لانها تعرف درة فعلك بتحرقها
كوني عارفة أن أشياء كثير ممكن تواجهك بس الحل الطناش والترفع عنها
أهم شي راحة المخ والبال

دقايق

** قولي مرحبا وأبدي
نسوي خطة ونكتب أشياء بنسويها أو حاطينها ببالنا
لا تشيلين همها ولازم أسويها وكأنه لو ماسويتيها الدنيا بتنتهي
قبل لا تسوين أي شي بالبيت وإلا واجباتك وإلا شغلك وإلا غرفتك
خذي نفس عمييق وسلمي على نفسك عادي محد عندك
مرحبااا يوم سعيد وعمل جيد
وحطي الأوليات " واجب – مطبخ – عشى – اوراق – تصحيح"
سويها أول ولا كأن الدنيا شايلتك أبدا أبدا لا تشيلي هم ,, باقي يوه ماخلصتك
عادي الحياة ماشية وإنتي يعني لو متي بتحاسبك الدكتورة ليه ماجبتي البحث
خلاص كل شي بوقته يصير ماله داعي الرجة جوة المخ وآخرتها هالشي بنسويه

** خصي من وقتك يوميا وقتا للهدوء
إسترخ .. مددي رجولك ويدينك أقوى شي .. حسسي نفسك إن ماوراك شي
لا تفكرين بدوام بكرة وأشغال البيت وبحث الاسبوع واختبار السبت وقت للراحة بسسسسس
خذي ورقة وقلم إكتبي كل شي في نفسك دوني يومك كيف كان وكيف كنتي تتمنيه
أكتبي انا سعيدة – أو في صفحتك في التويتراو الفيس او المسن أنا مبسوطة من نفسي
أعطي لنفسك جرعات من التشجيع مريحة مو تروحين تقولين أنا سويت وكنت بسوي حسافة لأ
أنا سويت وكنت بسوي,, يوم سعيد أنجزت فيه ..
أشربي عصير وإلا موية وإلا شاهي والا قهوه وكأنك أول مرة تشربيها تطعميها
كأنك قدام البحر والرمل ساده وناعم ومنسدحة ع كرسي البحر والسما زرقه والشمس خفيفه
بوووووش كل شي يروح من مخك ..
يوميا خصصي وقت للراحة مخك محتاج يرتاح

** قدمي معروفا دون إنتظار مقابل
ع النت نقعد كثير نلقى ناس تسوي حملات وإلا وحدة تجهز موضوع ووحدة ع المسن حاطة مشغول تسوي بحث والثانية عندها واجب ترجمة
والثانيه محتاجة نصيحة والخامسه رايحة فيها والعاشرة طفشانة
عادي كثير حالات تمر علينا وحنا نمر فيها ..
أعرضي المساعده إن كنتي تقدرين بس موتضغطي على نفسك عشان تسوين هالنقطة
ساعدي اللي عندها بحث بنقطه انتي تدورين عليها \ اللي مسوية حملة أعرضي عليها شي تفهمين فيه تصميم – فديو – قص – كلمة /
الطفشانة ارسلي لها مقطع فديو مثلا من برنامج ذكرى – تلاوة خاشعه – مقطع مضحك "بس طبعا دون مايرفع عندك عداد الذنوب " /
قدمي نصيحة للي محتاجتها /
قدمي معروفك لكن لا تنتظرين أحد يرد لك
خليه مساعده معروف وراح يرجع لك بس مو تفكرين إنه انا سويت لها ولا سوت لي
لأ إنتي مسويته معروف عشان أجره مو عشان ترجعه لك

** تعلم من عائلتك وأصدقائك
كل واحد عنده موهبه قدره علم
حاولي تتعلمي شي من أهلك صحباتك
عندك صديقة تدرس تربيه خاصه وتدرس لغة الاشارة تعلمي كم كلمة
وحدة دكتورة تعلمي معلومة طبيه
ابوك خليه يقولك شي عن عمله تستفيدي منه
امك تعلمي منها شي اطلبي منها تعلمك أي شي وهي تقدم لك اللي يفيدك
تعلمي من صديقتك التحكم في الذات – التصرف مع الشخصيات الي ماتحبيها
وحدة عندها موهبه في التصميم خليها ترسل لك درس والا تعلمك هي
وحدة عندها علم شرعي أساليها عن شي ودك تعرفينه
تعلمي +تعلمي + تعلمي
أكسبي شي لا يعدي يومك وإنتي ماتعلمتي لو معلومة وحدة في أي مجال
مو مهم تعرفين كل شي عن شي المهم تعرفين شي عن كل شي
أستفيدي من حولك وتعلمي وبتكتشفين بعدين إن عندك خزينة أشياء تعرفينها

دقايق آخر شي

** كوني أنت هي أنت لا كما يراه الناس
كثير أشياء نفسنا نسويها وإلا نتجنبها لكن اللي حولنا
مايشجعون يضحكون يبتعدون
ويقولك دايم "الصاحب ساحب " مو دايم
الشخص الذكي أو اللي له مكانة لنفسه داخل نفسه هو اللي يهمه نفسه مو كلام غيرة
تلقين وحدة ماتسمع أغاني وكل صحباتها يسمعون ومع كذآ ماصارت تسمع
لانها مقره داخل نفسها أن هالشي انا مستحيل أسوية
ليه أكون إنسانه سهله التغير من حولي مو من نفسي
أذكر قبل إسبوعين بنتين يتكلمون قالت خلاص انا ما راح أسمع أغاني ..
هذيك قالت أحلآه ومن هالكلام
ردت عليها : اللحين المفروض تشجعيني ..
ليه لأ حتى لو كنت أنا أسمع أغاني ووحدة قررت تتركها ليه ما أشجعها على قرارها
وممكن أنا أغير زيها
ليه دايم نتأثر بكلام اللي حولنا سواء بالستايل والا بالعادات وبأي شي
خلي لك مبادئ مستحيل احد يغيرها لأني أنا اللي قررتها
لبسي عاجبني مو لازم ألبس زي الفنانه عشان يقولون وااوز
ومو دايم الفنانات لبسهم حلو والموضة حلوة
مو دايم النمص حلو ولا حواجب الصينيه حلوة
إنتي عارفة أن هالشي يناسبك خلاص
ليه نغضب ربنا ومع كذا مو مقتنعين بس عشان مجتمعي يسويه
لأ .. إنتي لك شخصيتك .. مبادئك .. أفكارك .. لمتى نكون مع الناس زي الناس
خليك فريدة
وكوني أنت كما أنت

** أحدثي تغيرا في حياتك
غيري فحياتك شي للأفضل
شوفي شي جديد سويه تعلميه أبدعي فيه
أذكر قلت لمجموعه من صديقاتي سووا لكم جدولة وتعلموا شي جديد مثلا أعمال يدوية برامج عودي نفسك تقري كتب
قالت وحدة : يالله تدرين والله إنك وحدة فاضية ..
هذا إنتي تحبين هالشي لكن انا عجازة وما أتوقع إني احب هالاشياء
ليه طيب !!
ليه ماتبدي حياه جديدة حياتك نفس الروتين نفس الشي ماتغير شي
طيب نقول مثلا صفات ميزات مو لازم شي عملي
كوني حبابة .. كوني شخصيه تدخل سرور على قلب مسلم يوميا ..
كوني ملتزمة بورد يومي من القران يستحيل احد يخلي يومي يروح ولا سويته
كوني مبتعده عن الأفلام – كوني باره –
أي شي ممكن تسويه بحياتك
قدمي شي على شي وحاولي يكون تغيرك يجني لك دايم
غيري سوي x على اللي فات
قفلي كل الأفكار اللي تقول يوه مو فاضيه
ليه راح أكون دافورة ويقولون وش صار لها
طيب لو صرت ماأشوف افلام مع صحباتي وبنات عمي بيقولون بايخة
ليه مايكون التغير نابع من قلبك ومستحيل أي شي يخليني أتنازل
أي تغير أي مجال أي فكرة
أحدثيها في حياتك

صفيتي قلبك
صليتي صلاتك بخشوع
قريتي أذكار بعد كل صلاه
قلتي أذكار صباح ومساء
ادخلتي سرور على مسلم
قرأتي قرآن وبكل حرف حسنة الى عشرة الى سبع مئه ضعف
تصدقتي
دعيتي
غيرتي
تعلمتي
غيرتي شخص
رفعت من ميزان حسناتي
دعيت ربي وناجيته وطلبته
كلها في يوم واحد
فكيف راح تكون نفسيتك لو هالشي يوميا؟!
فكري في نفسك جيبي ورقة وقلم
أكتبي كل مانفسك تسوينه او تتعلمينه لو كنتي مخططه له بعد عشر سنوات
وكل شي نفسك تغيرينه او تتركينه
وشوفي نيتك وعزيمتك على القدرة في إنجاز هالأشيآء
وأنا واثقة أنه بداخلك شخص يطمح دوما للأفضل ومستعد يسوى المستحيل كله عشان
راحة البال

إقتباس »
قال الشيخ العلامة ابن عثيمين - رحمه الله - كل ما يُحْدِث الندم فإنّ الشرع يأمرنا بالابتعاد عنه ،فالله سبحانه وتعالى قال : (إنما النجوى من الشيطان ليحزن الذين ءامنوا وليس بضارهم شيئاً إلا بإذن الله ) والله تعالى إنما أخبرنا بذلك من أجل أن نتجنب هذا الشيء،فالمراد : أن نبتعد عن كل ما يحزن ,
و لهذا قال النبي صلى الله عليه وسلم : ( لا يتناجى اثنان دون الثالث ، من أجل أن ذلك يحزنه ) فكل ما يجلب الحزن للإنسان فهو منهي عنه.
أن الرسول صلى الله عليه وسلم أمر من رأى رؤيا يكرهها أن يتفل عن يساره ثلاث مرات , ويستعيذ بالله من شرها ومن شر الشيطان ,وينقلب إلى جنبه الثاني , ولا يخبر بها أحدا ، ويتوضأ ويصلي ,كل هذا من أجل أن يطرد الإنسان عنه هذه الهموم التي تأتي بها هذه الأمراض ,
ولهذا قال الصحابة : لقد كنا نرى الرؤيا فنمرض منها ، فلما حدَّثَهم رسولُ الله - صلى الله عليه وسلم - بهذا الحديث ؛يعني استراحوا ، ولم يبق لهم هم , فكل شيء يجلب الهم والحزن والغم فإن الشارع يريد منا أن نتجنبه
ولهذا قال الله تعالى : ( فمن فرض فيهن الحج فلا رفث ولا فسوق ولا جدال في الحج )لأن الجدال يجعل الفرد يحتمي ويتغير فِكْرُهُ من أجل المجادلة ، سيحصل له هم ويلهيه عن العبادة .
المهم اجعل هذه نصب عينيك دائما ؛أي : أن الله عز وجل يريد منك أن تكون دائما مسرورا بعيدا عن الحزن
والإنسان في الحقيقة له ثلاث حالات :
حالة ماضية , وحالة حاضرة , وحالة مستقبلة
الماضية : يتناساها الإنسان وما فيها من الهموم ؛لأنها انتهت بما هي عليه إن كانت مصيبة فقل : ((اللهم أجرني في مصيبتي واخلفني خيرا منها)) وتناسى، ولهذا نهى عن النياحة ، لماذا ؟ لأنها تجدد الأحزان وتذكر بها.
المستقبلة : علمها عند الله عز وجل ،اعتمد على الله ،وإذا جاءتك الأمور فاضرب لها الحل ,لكن الشيء الذي أمرك الشارع بالاستعداد له فاستعد له.
والحال الحاضرة هي : التي بإمكانك معالجتها , حاول أن تبتعد عن كل شيء يجلب الهم و الحزن والغم ،لتكون دائما مستريحا منشرح الصدر،مقبلا على الله وعلى عبادته وعلى شؤونك الدنيوية والأخروية , فإذا جربت هذا استرحت ؛أما إن أتعبت نفسك مما مضى ، أو بالاهتمام بالمستقبل على وجه لم يأذن به الشرع ، فاعلم أنك ستتعب ويفوتك خير كثير]

دقايق اختم بس

في الختام
أسأله أن يفتح لك بآب خير لم يفتح من قبل لأحد من خلقة
وأن يمحو كل احزانك ويبدلها أفراحاً لا تنتهي
ويمدك بصحة وعافيه وسعادة لا تفنى أبدا
ويرزقك قلباً رحيما عطوفا حنونا صادقا كقلب محمد صلى الله عليه وسلم
وأن تكوني ممن يدخلون الجنة بلا عذآب ولا حساب
وأن تكون سكناك في جنة الخلد في أعلى مقام في الفردوس الأعلى
ويكون قصرك مجاورا لقصر الحبيب محمد صلى الله عليه وسلم

إنتهيت إنطلقوا