عرسنآآ يآآ عرسنآآ ...لاعريس ولا عروس ...

السلام عليكم ورحمة الله وبركاته

مدخل
..{ يا مرحبن بالمقبلين .. واللي حضر والغايبين

شلونكم .. ؟!! طيبين وصحيحين

عسى ما طالكم خلآف ومشق

الا على طاري المشق .. ترى المـآضوع برعآية ..

وآزلين ( فازلين لغير النآطقين باللغة الخرجآوية )

مع فآزلين .. ودآعـآ للمشق

.
.

عدنـآ

أذكر مرتن من المرارير سنتن زلت يوم عرس ساره بنت خالتي في قصر الطمره <- اللي يعرفه قسم لـ أعطيه هدية وش كووبرها

المهم يوم ام احمد المصرية تزين خالاتي لاعبتن عليهن جعلها السملقي مابرحت اذكر سواياها

لين خالاتي المهبل كلهن متجمعين عندها .. عاد تخبرون على ذيك الحزه مافيه الا مشغلين في المدينهـ واللي يروح لها ذا وشـ سمه << ترى وشـ سمه ذي شين هوب زين ابد
Rolling Eyes

وجابوا ذي من مطري وين Suspect

.. انا اخبرها تدرس ساره بنت خالتي قراعة وعملا يومها في خامس ألف شلون صارت كوفيره مدري

المهم تزين وتستشور ذي وذي لين جت تسع ونصف والعروس مابعد زينت وش السواة

المهم طرطشت بهن وقالت بهن لين جا دور خالتي نوره هي اللي ما احسنت فيها ابد حسبي الله عليها عاد خالتي نوره شعرها كثيييييير ولين نص فخذها وناعم تسنه ريش عصفور .. عاد اذكروا الله لا يحلس شعر خالتي

المهم يوم شافت الشعر وخالتي جهير تصرخ عليها تبيها تخلص عشان تعلق في ساره قبل يدخل رجلها ولين ذا المصريه وجهها تسنه قفا قدر من الكشره وشوي لينها تضحك جعل ثمها ينقض

وتقول لخالتي ..

اسمك ايه يا حلوه .. قالت خالتي الجوهره : اسمها نوره جعلتس ما تحلولين اخلصي بس زينيها وانتي ساكته

وقالت ذا المصرية : دنتي زي الأمر بسم الله ماشاء الله دنتي عروسه بس بوصي معايه لو تؤصي شعرك شويتين حتكوني احلى عروسه

وتقوم تلعب برويس خالتي ومير الخبله وتصدقها همن تقول به لين كتوفها وتنفخه بالاستشوار وتلبده لها بالاسبريه وتقول قومي دنتي زي الأمر بسم الله ماشاء الله

وتجيتس خالتي الضعيفه مصدقه وكاااشخه وتنسف ذا الشعر يمين يسار وتطلع من الغرفة تبي تميلح عند الناس وتشوفها جدتي وتجيتس مدبتسه بعصيتها

وتقول .. نوييييييييييييييييييييير وين جدايلتس

وتجي خالتي تنقر راس جدتي وتقول: يمه وش رايتس مب تسذا احسن

وشوي ... الا طرف العصا في رقبة خالتي

لا تسأل عن فيس خالتي ذيك الحزة ..

وزودن على ذا البلا تحلف عليها جدتي تلف شالها على راسها .. اللهم لا شماته

المهم خلصنا من خالتي النوري تطلع خالتي الجوهره

عاد هذي حتسي لحالها .. يا والله راسها تسنه مفلوعن بحصاة تسريحتها حآذفتن يمين وخصلتن وش طولها على وجهها تسنه سعبوله وما قصرت فيها جدتي بالمط غآديتن تسنها سلك سيفون

والعروسه سوير يا بعد الدنيا هذي ممحوقتن بركة عرسها على قولة جدتي

ويوم بدت ذا المصرية تزين شعرها يوم قبع الاستشوار

يا قلبي قلبآآآآآآآآآآآآآه وش السواة ذلحين

من هينا من هينا ماعنده نية يزين خلآآآآص ماعاد فيه حيلة وش السواة

المهم وتقوم امي الله يجزآها الجنة وتقول معي استشوار تعبروا به الشكوى لله

وتظهر امي استشوارها ذا البردقاني يا حليله

ويوم خلصوا من الشعر وتجيتس للمكياج ذا اللي مدري وش مقيولن به خلها على ربك بس

المهم صيفنا جت الساعه 11 الا شوي الرجاجيل تعشوا والرجال عند الباب يردعه ويا اخوانها

وتقوم من العجله تنتق الفستان وتلبسه ولين السحاب مفتوق يا واللـــــــــــــــــه النشبه

يدورون ابره وخيط ماحولك احد ومنا ومنا لين لقوا لهم مشبك وقالوا به في فستان الضعيفة وقالوا خليه على يمينتس عشان ما ينتبه للسحاب

الباب في هذه اللحظه يردع وسيكسر في اية لحظة بس تمسكوا

المهم ووتقول بالطرحة ويالله ضفوا حوستهم وفتحوا الباب ويجيتس مدبتس تسنه ثورن منطلق

ويوم الضعيفة يقالها بتسلم عليه وتوقف وشوي لين الطرحة والتسريحة وراها

ويقول يلله بسرعه مشينا ورانا طريق <-

والله ما حط مقعدته على ذاك الكنب الرصاصي ويمسكها بيدها وتلبسها خالتي عبايتها ويدرعم بها وشوي لينها تحب الأرض << تعنكرت في بشته

وتقوم خالتي تبتسي تقول هذي عين ما ذكرت الله ياربيه بنيتي

والله الرجال طلفح بها وركبها ويشخط ويخلينا <- وش تبينه يسوي يعني يقعد معكم

ويتم العرس ونقعد نرقص على قربعة ام سعد وجدتي مستلمه خالاتي هوشه وتقول كله من سبة ذا الكافره اللي جبتوها << تعاني الكوفيره

وكل هذا وانا اترنح في فستاني الحمر المنفوش والفيس يلق من الفازلين والقصيصة منشبة في ذا الجبيهة اللي مابلا صانتي ونص

ويوم قلطنا ع العشا وانا اللي اتربع على ذاك الصحن واتركى على اميمتي الله يطول بعميرها ع الصحه والعافيه والطاعه

ومير اللي تلهى امي في السوالف ووعجزتن قاعدتن معنا تمد لي ذا الكرشة وانا اللي احط في ثمي مستحيتن اردها وشوي لينها تنشب في حلقي ..

وافححححط ابيها تظهر ما ظهرت وانقر امي في جمبها وهي اللي تصقعني في راسي لين انسدحت على جمبي وتظهر تسبدي مع ذا الكرشة

وتطيييييير بي امي للمغاسل وتغسلني الله يجزاها عني كل خير واقوم ابتسي

ماما هذولي وعيييييين مب جايين عرسهم مره ثانيه .. يع عليهم يخلوني آكل فوطه بغيت اروح لربي <- ريضة بعد تبي تزوج البنت مرتن أخرى

وعــآد ختامها مسك ع قولتهم

يوم جينا بنطلع وامي قالت روحي اركبي مع ابوتس لين اجي ويوم طلعت لين محمد ولد خالتي عند الباب

جا لمس يدي وقال

.
.

انقلعي يا الدلوعه

واعطيه المقسوم من الزخات المآئية والرذاذ وانقز في السيارة عند ابوي وهو يتهدد ويتوعد

ما يستفاد من الهرجة أعلاه ..

. لا تروحون تدورون قصر الطمره تراهم قضوه

. احسن شي الوحده ما تحط سحاب ولا تآخذ له رجلن عزوبي مادزد شاف نعمه

.لا تتميلحين عند احد تراتس بتجيبين العيد تاليتها

.لا تآكلون كرشة ترا طعمها مخيس الله يكرم النعمه وتغصص بعد

مخرج ..

..{ سرى الليل وحنا ما سرينا
مع خالص تحياتي ...........

هههههههههههههههههههههه

اللة ميرر يخسك عرسنآآ يآآ عرسنآآ ...لاعريس ولا عروس ... Icon_lol

موتيني ضحكـ
حــــشى موو زوواج ذا كلهـ مواقف محرجهـ ياكبدي على العرووس ماخرب الاستشوار الا على كشتهـ
يسلموو عنوني على هيكـ مأسي ههه
تقبلي مروري الخفيف<<ايه هين

]يــــــــــــــآآآهلا والله بالطش والرش والبيض المفقش

بالغررش ...

هههههههههههههههههههههههههههههه

وآللهـ آني حست بآلترجمهـ بآلبدآيهـ

بس وآللهـ موآقف خطيييييييرهـ

وآنكسر خآطري ع آلعرووس مسكينهـ

خخخخخخخخخ

يسلموووووووووووووووووووووووووووووووووش

هههههههههههههههههههههههههه

يسلموووووووو

استقفر الله .......

ايش الحالات الميؤس منها هذي

والله ما حزني غير العروس لمن خرب الأستشوار عليها

هذا عذاب مو عرس والله يحقلها البنت تبطل عرس هي وفازلينها

ويسلمووو حبووو